Arbëri

Mjeku i UÇK-së, Hatim Baxhaku: Vazhdoj me qenë në LDK edhe pse s’jam përfshirë në listën për deputetë

Ish-deputeti i Lidhjes Demokratike të Kosovës, Hatim Baxhaku, duke qenë si një nga të përfolurit e mediave për faktin se nuk është përfshirë në listën për deputetë nga LDK për legjislaturën e ardhshme, ka dalë me një deklaratë të hapur ku ka sqaruar gjithçka.

Ai ka treguar se është pjesë e LDK-së që nga themelimi i saj, dhe vazhdon të jetë, edhe pse nuk është përfshirë në listën përfundimtare për deputetë në zgjedhjet e 11 qershorit.

Baxhaku, që gjatë luftës së Kosovës ka shërbyer si mjek në operacionin “Shigjeta”, thotë se edhe përkundër këtij vendimi, atij nuk i ka mbetur hatri dhe do të vazhdojë të kontribuojë në partinë e tij dhe do t’u del në krah të gjithë kandidatëve për deputetë sepse beson në këtë listë.

Ai thotë se LDK-ja është kapur nga disa persona, duke mos përmendur emra, por përjashton kreun e partisë, Isa Mustafën, të jetë pjesë e tyre.

Më poshtë ju sjellim të plotë reagimin e tij:

PËR T’I HEQUR DILEMAT

Të nderuar anëtarë dhe simpatizant të LDK-së, miq dhe qytetarë të Kosovës.

Meqenëse kam një kërkesë të madhe nga Ju por edhe nga mediet për një prononcim lidhur me disa zhvillime aktuale e për të mos lejuar huti, më lejoni të ju drejtohem dhe të jap disa sqarime.

Në LDK jam inkuadruar që nga themelimi i saj dhe kam qenë delegat i Kuvendit Themelues të mbajtur në Medresenë “Alaudin”“ në Prishtinë. Arsyeja e vetme ishte që të jap kontributin tim për popullin dhe shtetin e Kosovës në ato rrethana jashtëzakonisht të rënda dhe vendimtare për shqiptarët.

Nuk e di sa ja kam dalë në këtë punë.

Jam edhe pjesëmarrës i luftës si mjek në një spital fushor në Krumë së bashku me një ekip norvegjez në “Operacioni Shigjeta”.

Në LDK nuk jam anëtarësua me pazar: po vij në LDK nëse më beni deputet, ministër, këshilltarë... Asnjëherë nuk jam udhëhequr nga interesi personal.

Kam një familje nga babai dhe nëna, ndjesë pacin, që numëron 40 anëtarë. Nē këtë familje kam 8 të rijë, vajza dhe djem të mrekullueshëm, të gjith me fakultete të kryera, bile edhe Master dhe asnjëri nuk është i punësuar.

Asnjëherë po e përserisë asnjëherë nuk kam trokitur në parti ose në institucione për ti punësuar “me të njofshëm”.

presë të punësohen një ditë në kushte të barabarta për të gjithë.

Në mbledhjen e Këshillit të Përgjithshëm të LDK-së kam deklaruar se nuk ka asnjë problem pse unë nuk jam në listën për deputet sepse kështu e kanë paraparë disa kapës të partisë (dhe me këtë nuk aludoj në Isa Mustafën).

Propozova që në Listën e Kandidatëve për Deputet të futën edhe dy kandidat tjerë nga Prizreni përveq atyre që ishin në atë listë.

Kam permendë edhe disa vërejtje për vendimet që merren në strukturat e larta të partisë pa diskutim të mirëfilltë në ato forume, dhe defektet në komunikimin e atyre strukturave me deputet e gupit parlamentar, dhe kam kërkuar që kjo punë të bëhet në kordinim më të mirë që pastaj deputet mos të akuzohen për mosrepektim të vendimeve të organeve partiake.

këto qështje thashë se duhet dhe do të merremi pas zgjedhjeve në mënyrë institucionale në forumet e LDK-së. Kaq.

Dua me këtë rast që tua heqi dilemat që të gjithëve, pa përjashtm :

Hatim Baxhaku ka qenë, është dhe do të mbetet anëtar shumë i devotshëm dhe besnik i LDK-së sepse unë punoj për këtë dhe besoj në LDK.

Do të jam pa asnjë rezervë përkrahë kandidatëve për deputet nga qyteti i Prizrenit e me gjerë dhe të koalicionit parazgjedhor sepse kam besimin se është gjëja më e mirë që po i ndodhë Kosovës në rrugën e saj të shtetëformimit dhe integrimeve euroatlantike, aty ku e ka vendin ajo dhe qytetarët e saj.

Jam thellësisht i bindur se do t'ja dalim me sukses.

Fitore #Shihemi në Finale.

Sinqerisht i Juaji, Hatim Baxhaku.