Arbëri

Thaçi shtyn për 26 dhjetor mbledhjen e parë të Legjislaturës së re

Me kërkesë të partive politike, presidenti Thaçi ka ndryshuar datën e Mbledhjes së Parë të Legjislaturës së Shtatë të Kuvendit të Kosovës.

Presidenti i vendit, Hashim Thaçi, pas kërkesës së shumicës së partive politike, ka ndryshuar datën e thirrjes së Mbledhjes së Parë të Legjislaturës së Shtatë të Kuvendit të Republikës së Kosovës, transmeton KTV.

Duke respektuar kërkesën e shumicës së partive politike që kanë siguruar ulëse në Kuvendin e Kosovës, me sqarimin se data 24 dhjetor lidhet me pushimin për festën e Kërshëndellave, presidenti Thaçi ka vendosur që Mbledhjen e Parë të Legjislaturës së Shtatë të Kuvendit të Republikës së Kosovës ta thërras më datën 26 dhjetor, në orën 15:00.