Arbëri

“10 eurot e pensionit”, familja Shaqiri kërkon të mos organizohen aksione humanitare për të

Një prej videove më të shikuara të ditëve të fundit, ajo e pensionistit Shaqir Shaqiri që u publikua në lajme të KTV-së, është parë edhe nga kryeministri i Shqipërisë, Edi Rama.

Rama, mësimdhënësin e pensionuar që dha 10 euro ndihmë për të prekurit nga tërmeti, e ka konsideruar hero dhe ka shprehur gatishmërinë ta takojë.

Pas publikimit të videos, një numër personash janë paraqitur t’i dalin në ndihmë Shaqirit, duke ofruar edhe shuma të hollash, por të njëjtat janë refuzuar, pasi siç kanë bërë të ditur familjarët e tyre, gjendjen financiare e kanë të mirë dhe kanë kërkuar që të ndërpritet çdo aksion humanitar për këtë rast.

 
Qytetarët e Prishtinës për tërmetin

"Sot e mora pensionin, po i jap 10 Euro" - Qytetarët në Prishtinë kanë vazhduar solidarizimin me Shqipërinë

Posted by Koha.net on Wednesday, November 27, 2019