Arbëri

Kurti: Thaçi të japë dorëheqje ose do të shkarkohet

Foto: AP

Kryetari i Lëvizjes Vetëvendosje, Albin Kurti, ka deklaruar se me qeverinë e re vendi duhet të ketë edhe një president të ri.

Duke folur në lidhje me presidentin Hashim Thaçi, Kurti ka thënë se ai duhet të japë dorëheqje, në të kundërtën ka thënë se mund të shkarkohet, transmeton KTV.

Në emisionin “Open” në Top-Chennel ai ka thënë se për pjesëmarrjen në takimin e Durrësit, duhet ta pyesë kabinetin e ri qeveritar, si edhe biznesin.

Kurti ka thënë edhe një herë se ai, personalisht, është kundër Mini-Shengenit Ballkanik.

Kurti i është kundërpërgjigjur kryeministrit Edi Rama, i cili tha se marshimi i paralajmëruar nga Vetëvendosja për 28 nëntor në Tiranë, është lajthitje.

“Të bësh aktivitete publike për bashkim, kjo është gati detyrë”, ka thënë Kurti.