Rektorët e quajnë për keqardhje letrën e Bytyqit drejtuar rektorit Bajraktari Foto: Koha

Rektorët e quajnë për keqardhje letrën e Bytyqit drejtuar rektorit Bajraktari

Edona Kutleshi Edona Kutleshi 21 November 2019 06:45

Për keqardhje e kanë cilësuar rektorët e universiteteve publike në Kosovë letrën e ministrit në largim të Arsimit, Shyqiri Bytyqi, që ia ka drejtuar më 14 nëntor rektorit të Universitetit të Shkencave të Aplikuara në Ferizaj, Agron Bajraktari, në lidhje me vonesën e konstituimit të Këshillit Drejtues të Universitetit.

Përmes një komunikate për media, rektorët kanë shprehur indinjatë të thellë për, siç e kanë quajtur, gjuhën “kërcënuese, shantazhuese dhe pa etikë” të ministrit Bytyqi ndaj rektorit Bajraktari, shkruan sot “Koha Ditore”.

Sipas rektorëve, diskursi i përdorur në shkresën e ministrit është për keqardhje dhe dëshmi se si kanë degraduar politikat arsimore në Qeverinë e Kosovës dhe sa kanë devijuar partitë politike në trajtimin e kuadrove të arsimit.

Një ditë më parë “Koha Ditore” ka raportuar në lidhje me letrën e ministrit Bytyqi për të cilën rektori i Ferizajt, Agron Bajraktari, tha se ndihet i kërcënuar. Bytyqi e kishte qortuar ashpër rektorin Bajraktari përse u është kërkuar CV-ja 3 anëtarëve që ai i ka emëruar më 10 shtator në Këshillin Drejtues të këtij universiteti. Ndër të tjera, në letër, ministri e kishte cilësuar rektorin si “njeri të ndyrë”.

(Artikullin e plotë mund ta lexoni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.

Komentet

Shto koment

Të ngjashme