Edhe një protestë kundër rritjes së çmimit për sigurim të veturave Foto: Koha / ilustrim

Policia thotë se kanë ndërmarrë të gjitha veprimet për protestën para BQK-së

18 November 2019 12:17
15:17

Policia e Kosovës ka njoftuar se ka marrë të gjitha masat për protestën e cila do të mbahet më 22 nëntor pranë objektit të BQK-së.

Ata përmes një njoftimi për media thonë se janë të njoftuar zyrtarisht për organizimin e protestës, derisa shtojnë se kanë ndërmarrë veprimet e duhura për të mundësuar rrjedhën normale të protestës.

“Jemi te njoftuar zyrtarisht për organizmin e një proteste e cila do të mbahet para Bankës Qendrore të Kosovës. Policia ka ndërmarrë të gjitha veprimet e duhura për të mundësuar rrjedhën normale të protestës”, thuhet në njoftim.

Kujtojmë se protesta do të mbahet për të kundërshtuar vendimin e Bankës Qendrore të Kosovës për rritjen e çmimit për sigurimin e veturave.

Njëra protestë është paralajmëruar më 22 nëntor nga një grup në Facebook “Merakli të kerreve”, ndërkaq protesta tjetër është paralajmëruar për datën 23 nga “Speedomaniaks”.

12:17

Edhe një protestë kundër rritjes së çmimit për sigurim të veturave

Një protestë tjetër paralajmërohet kundër vendimit të Bankës Qendrore të Kosovës për rritjen e çmimit për sigurim të veturave.

Pas paralajmërimit të protestës nga grupi “Speedomaniaks” për të shtunën, më 23 nëntor, tani vjen një paralajmërim tjetër për protestë nga grupi i njohur në Facebook “Marakli t’kerreve”, raporton Koha.net.

“Marrakli t’kerreve” fton publikisht për protestë paqësore dhe pa kerre te rruga “Luan Haradinaj”, pranë BQK-së, më 22 nëntor (e premte) nga ora 13:00.

Gjithashtu, dje kundër vendimit të BQK-së ka nisur edhe një peticion online.

Postimi i plotë i grupit “Marakli t’kerreve”, pa ndërhyrje:

Ftesë publike për protestë paqësore dhe pa kerre

Të gjithë e kemi parasysh që nga data 15 Nëntor ka hyrë në fuqi vendimi i Bankës Qendrore të Kosovës për shtrenjtimin e sigurimit të automjeteve për 26%.

Duke e ditur këtë fakt i cili prek gjepat e secilit qytetar dhe përkeqëson edhe më tutje gjendjen tonë ekonomike, ne si komuniteti më i madh i veturave në Kosovë dhe më gjerë nuk do rrimë duarkryq, prandaj me datë 22 NËNTOR 2019 (E Premte ) nga ora 13:00 grupi “Marakli t’kerreve” organizon protestë me qëllimin e vetëm, atë të kundërshtimit të këtij vendimi. Protesta do të mbahet në rrugën “Luan Haradinaj” pranë BQK-së.

Ne ftojmë çdo qytetar, organizatë, media si dhe çdo palë tjetër të interesuar të na bashkohet në mënyrë që të arrijmë synimet tona”.

© KOHA. Të gjitha të drejtat janë të rezervuara.

Komentet

Shto koment

Të ngjashme