Në Kosovë ka rënie të vdekshmërisë së foshnjave

Në Kosovë ka rënie të vdekshmërisë së foshnjave

15 November 2019 10:05

Në konferencën e parë të Shoqatës së Neonatologëve të Kosovës u tha se përkushtimi dhe puna në këtë sektor ka bërë që të ulet numri i vdekjeve të foshnjave të lindura para kohe.

Ministri në detyrë i Shëndetësisë ,Uran Ismaili tha se me punën tejet të madhe interdiciplinare është arritur të ulet vdekshmëria në një masë të madhe.

“Ruajtja e shëndetit të fëmijës mbetet prioriteti i yni jo si klasë politike po si shoqëri jemi munduar t’i shtojmë investimet dhe një mbështetje kërkon një si bashkëveprim si fushë. Mos të harrojmë që duhet të ketë vullnet politik që reformat që ju doni t’i arrini të jenë të mbështetura. Edhe pse po largohem nga sektori jemi deputetë dhe aty na shihni si partnerë. Ne nuk do ndalemi së ndihmuar shëndetësinë kosovare”, tha Ismaili.

Kryetarja e Shoqatës së Neonatologëve të Kosovës, Burbuqe Skenderi tha se në kuadër te kësaj konference po kremtohet edhe 17 nëntori si dita e prematurëve, e cila synon ndërgjegjësimin dhe informimin për sfidat me të cilët ballafaqohet një i lindur para kohe.

Sipas saj ndër vite ka rënie të vdekshmërisë së foshnjave dhe nga 30 për qind sa ka qenë më herët në vitin 2018 kjo shifër ka rënë në 8 për qind.

Drejtori i Klinikës së Neonatologjisë, Xhevdet Gojnovci tha se kjo Klinikë ofron shërbime sekondare dhe terciale për 11 mijë e 500 foshnje dhe ato foshnjat që janë në spitalet regjionale.

Sipas tij patologjitë më të shpeshta që ballafaqohen në këtë Klinikë janë asfiksia, infeksionet anomalite të ndryshme dhe prematuriteti. Prandaj ai kërkoi nga institucionet mbështetje më të madhe për këtë sektor./KosovaPress

Komentet

Shto koment

Të ngjashme