Punëtorët e Feronikelit me grevë kërkojnë rritje pagash, thonë se kishte premtime

Luljeta Beselica Luljeta Beselica 12 November 2019 21:24

Ndonëse u është premtuar rritje e pagës nga menaxhmenti i Feronikelit, një gjë e tillë nuk është realizuar asnjëherë. Punëtorët thonë se marrë parasysh specifikat e punës që bëjnë, meritojnë pagë më të dinjitetshme.

Andaj, punëtorët kanë mbajtur grevë njëorëshe, duke kërkuar rritje page. Thonë se kjo e drejtë po u mohohet nga menaxhmenti i Feronikelit, raporton KTV.

Në mbështetje, këtyre punëtorëve u ka dal edhe kryetari i BSPK-së, Avni Ajdini.

Ai ka provuar që të hyjë brenda dhe të bisedojë me menaxhmentin e ndërmarrjes, që megjithatë, nuk është lejuar.

Punëtorët thonë se greva do të vazhdojë, deri në realizimin e synimeve të tyre.

Përndryshe, kjo nuk është hera e parë që këta punëtorë bojkotojnë punën për shkak të mosdhënies së pagave.

© KOHA. Të gjitha të drejtat janë të rezervuara.

Komentet

Shto koment

Të ngjashme