“Z-Mobile” i refuzoi 20 ofertat e Telekomit për vazhdimin e partneritetit Foto: Koha

“Z-Mobile” i refuzoi 20 ofertat e Telekomit për vazhdimin e partneritetit

Sanie Jusufi Sanie Jusufi 31 July 2019 06:30

Kanë përfunduar pa sukses negociatat gjashtëmujore të Telekomit të Kosovës dhe kompanisë “Z-Mobile” për vazhdimin e partneritetit, që mes shumë polemikave, akuzave dhe proceseve hetimore e gjyqësore ka zgjatur 10 vjet. Drejtuesit e Telekomit kanë njoftuar, të martën, se kontrata me “Z-Mobile” është shkëputur.

Ishte ndërmarrja publike që ka insistuar që të vazhdohet bashkëpunimi mes tyre. Këtë e dëshmon letra e Telekomit dorëzuar “Z-Mobiles”, ku në drejtim të kësaj të dytës janë bërë 20 oferta, por që janë refuzuar, shkruan sot “Koha Ditore”.

“Z-Mobile” në përgjigjen e saj ka propozuar ofertën që fitimi për të, të jetë 67 për qind, e për Telekomin 33 për qind, por që është refuzuar nga ndërmarrja shtetërore. Po ashtu, ka kërkuar qasje në raportin financiar të përgatitur nga kompania “Mazars”.

“Insistimi i Dardafonit për ta pasur raportin financiar të Telekomit të përgatitur nga ‘Mazars’ është i pakuptimtë dhe i paarsyeshëm, sepse është e drejtë legjitime e secilës palë afariste që për nevojat e veta të kërkojë ekspertizën e jashtme profesionale; Ekspertiza ‘Mazars’ ishte e porositur vetëm nga Telekomi, andaj nuk kishte asnjë detyrim që tërë ekspertizën t’ia ofrojë në dispozicion as Dardafonit dhe as kujtdo tjetër”, thuhet mes të tjerash në letër.

(Artikullin e plotë mund ta lexoni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.

Komentet

Aliu01/08/2019 14:34

Tash a ja ka shkeput telekomi zmobilit kontraten apo e kunderta. Mu pom doket e kunderta!

Shto koment

Të ngjashme