Maloku: Srebrenica duhet të rëndojë mbi ndërgjegjen serbe

Maloku: Srebrenica duhet të rëndojë mbi ndërgjegjen serbe

11 July 2019 17:16

Sociologu Fadil Maloku, ka thënë se Srebrenica duhet të rëndojë në ndërgjegjen serbe, teksa ka kujtuar se aty “nga çetnikët serbë për një javë, (11 korrik -18 korrik 1995) janë masakruar 8372 boshnjakë (nga mosha 14-84 vjeçare) myslimanë të dorëzuar, të zënë peng, të zënë robër”.

“Mediet dhe shumë politikanë të atëhershëm botërorë me indeferencën e tyre mobilizuese për të mos intervenuar ndaj kasaphanes publike, që po manifestohej në sytë e krejt botës, myslimanëve të Bosnjes, u kushtoi hiç më pak se një gjenocid i paparë ndonjëherë... pas Luftës së Dytë Botërore”, ka thënë Maloku.

Ai ka shtuar ndër të tjera, “ndërgjegjja e gjeneratave të reja serbe, në rast se e dëshiron një katarsis moral e social, dhe t’i kthehet perspektivave të reja integruese, duhet patjetër ta bartë me dekada të tëra hipotekën e gjenocidit (sikurse gjermanët me Aushvicin) dhe krimit kundër njerëzimit, që e ushtroi në Srebrenicë e që më vonë e vazhdoi në Kroaci dhe Kosovë”.

© KOHA. Të gjitha të drejtat janë të rezervuara.

Komentet

Shto koment

Të ngjashme