Deda: Politika e BE-së s’mund të fshihet më pas frikës nga e djathta ekstreme për Kosovën

Deda: Politika e BE-së s’mund të fshihet më pas frikës nga e djathta ekstreme për Kosovën

26 May 2019 21:38

Deputeti i pavarur në Kuvendin e Kosovës, Ilir Deda, ka thënë se “tash që, pak a shumë, po shihet trendi i votave për Parlamentin Evropian, mund të konkludohet që politika e BE-së, apo mungesa e saj, ndaj Kosovës dhe shteteve të Ballkanit Perëndimor nuk mund më të fshihet pas frikës nga e djathta ekstreme, e cila pësoi debakël”.

“Përkundrazi, me rezultatet e shkëlqyeshme të të gjelbërve dhe liberalëve e demokratëve, politika e zgjerimit duhet të konkretizohet dhe afatizohet. BE duhet të japë ofertë serioze të zgjerimit për shtetet e rajonit tonë”, ka thënë Deda.

Sipas tij, kjo ofertë duhet të përmbajë edhe kushte rigoroze për çdo shtet të Ballkanit Perëndimor. I ka numëruar disa

“Qeverisje demokratike e media të lira, çkapje të shtetit dhe sundim të ligjit, luftë të njëmendtë të korrupsionit, drejtësi e barazi, si dhe zhvillim të mirëfilltë ekonomik”, ka thënë Deda.

© KOHA. Të gjitha të drejtat janë të rezervuara.

Komentet

Shto koment

Të ngjashme