Emrat e vendeve që “çnjohën Kosovën”, grafit në Beograd

Emrat e vendeve që “çnjohën Kosovën”, grafit në Beograd

24 May 2019 09:47

Në kryeqytetin e Serbisë tash e disa ditë është vendosur në grafit me emrat e vendeve të cilat, sipas Ministrisë së Punëve të Jashtme të Serbisë, tashmë e kanë tërhequr njohjen e pavarësisë së Kosovës, transmeton Koha.net .

Në grafitin, që e kanë publikuar medie të Serbisë, është i shënuar edhe numri i banorëve të botës që ende nuk e kanë njohur Kosovën i cili, sipas tij, kalon shifrën mbi 5 miliardë.

Daçiq shpëton nga një sulm terrorist në Somali, po lobonte kundër Kosovës

Në grafit në cirilikë emri i Kosovës është i shkruar me ngjyrat e flamurit të Serbisë.

Shefi i diplomacisë, Ivica Daçiq para dy ditësh kishte qëndruar në Somali për të kërkuar nga ky vend tërheqjen e njohjes së pavarësisë së Kosovës.

Me t’u kthyer në Beograd, Daçiqi tha se është detyrë e tij që asnjë shtet më të mos e njohë pavarësinë e Kosovës.

Kosovën qe më shumë se një vit nuk e ka njohur asnjë shtet.

© KOHA. Të gjitha të drejtat janë të rezervuara.

Komentet

Shto koment

Të ngjashme