“Në emër të politikës” fajdexhinjtë dyshohet që ia morën të gjitha biznesmenit nga Prishtina Foto: Koha

“Në emër të politikës” fajdexhinjtë dyshohet që ia morën të gjitha biznesmenit nga Prishtina

Saranda Ramaj Saranda Ramaj 22 May 2019 08:00

Para rreth dhjetë vjetëve në oborr të QKUK-së po planifikohej të ndërtohej një spital privat. Me nismën për ndërtimin e tij dyshohet se nisën edhe dallaveret e të ashtuquajturit “Grupi i Currit” kundër biznesmenit Faton Dalladaku, shkruan sot Koha Ditore.

Ligjërisht atëkohë ndërtimi i një spitali privat nuk mund të realizohej në atë lokacion. Kjo për shkak që një udhëzim administrativ i Ministrisë së Shëndetësisë ndalonte ndërtimin e çfarëdo spitali në rreze prej një kilometër në afërsi të Spitalit publik. Kryeministri i atëhershëm, Hashim Thaçi, pati nxjerrë vendim të jashtëligjshëm që e lejonte ndërtimin e spitalit.

Por ndërtimi i tij dhjetë vjet më parë ishte ndaluar me presion publik. Disa vjet më pas është ndërruar ligji dhe ndërtimi i spitalit ishte legjitimuar. Por pronar i spitalit nuk ishte më Faton Dalladaku, por disa biznesmenë nga Shqipëria.

Gazeta nga burime të ndryshme brenda hetuesisë ka mësuar se problemet e biznesmenit Dalladaku me grupin e tetë personave të dyshuar për fajde, detyrim e mashtrim kanë nisur me funksionalizimin e këtij spitali.

(Artikullin e plotë mund ta lexoni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.

Komentet

Shto koment

Të ngjashme