Partitë opozitare serbe të bashkuara në partinë Aleanca për Serbinë, sot kishin paralajmëruar krijimin e kësaj partie edhe në Kosovë me emrin “Aleanca për Serbinë në Kosovë e Metohi”.
Themelimi i kësaj partie që ishte paraparë të bëhej në Graçanicë është pritur me kundërshtime e protesta nga qytetarë serbë të kësaj komune, njofton Kossev, transmeton Koha.net.
Themelues të kësaj partie, u ndaluan në Gazimestan dhe aty mbajtën fjalime nacionaliste serbe dhe kundërshtuan politikën e Aleksandar Vuçiqit e të Listës Srpska në Kosovës.
Në këtë takim ishte edhe Rada Trajkoviq, ish-deputete e Kuvendit të Kosovës dhe udhëheqëse Lëvizjes evropiane serbe në Kosovë.
Udhëheqësi i partisë Dveri, pjesëtare e Aleancës për Serbinë, Boshko Obradoviq është ankuar se nuk i është lejuar hyrja në Kosovë.
Ai ka thënë se ndalimi i tij është bërë në Jarinë, siç saktësoi ai, “në koordinim të plotë ndërmjet Prishtinës e Beogradit”.
-
20 maj 2019 16:19
-
Shpërndaje në: