Kuvendi nesër mblidhet në seancë, 5 pika për gjenocidin serb në Kosovë

Kuvendi nesër mblidhet në seancë, 5 pika për gjenocidin serb në Kosovë

15 May 2019 16:29

Kuvendi i Kosovës ka caktuar për nesër seancë të re plenare, që ka në rend dite 7 pika.

Seanca planifikohet të nisë në orën 10:00.

Koha për deklarime jashtë rendit të ditës dhe Koha për pyetje parlamentare, janë dy pikat e zakonshme për seancën e re.

E pas këtyre, Kuvendi synon shqyrtimin e Propozim-Rezolutës për gjenocidin, krimet kundër njerëzimit dhe krimet e luftës të ish-regjimit shtetëror serb në Kosovë, më pas formimin e Komisionit shtetëror për krijimin e Tribunalit për gjenocidin serb në Kosovë, vendimin për ndërtimin e Muzeut të Gjenocidit, tek ish - Fabrika e tjegullave, vendimin për ndërtimin e Memorialit të dëbimit, tek Stacioni hekurudhor i Prishtinës, si dhe në fund caktimin e Ditës së Gjenocidit.

Kuvendi sot ka dështuar të mbajë seancë për shkak mungesës së kuorumit.

© KOHA. Të gjitha të drejtat janë të rezervuara.

Komentet

Shto koment

Të ngjashme