Kryeministri Ramush Haradinaj, ka reaguar lidhur me protestën e së premtes të paralajmëruar nga Lëvizja Vetëvendosje.
Ai në një postim në Facebook, ka thënë se presioni i rrugës mbi drejtësinë është precedent që nuk i kontribuon vendosjes së saj.
“Lëvizjen Vetëvendosje, si subjekt i respektueshëm parlamentar, e ftoj të shterojë të gjitha rrugët institucionale, të përdorë së pari interpelancat parlamentare, tryezat politike dhe debatet me ekspertët për sistemin e drejtësisë”, ka shkruar ai.
Haradinaj ka thënë se Kosova është një shoqëri demokratike ku liria e shprehjes dhe protestës është një e drejtë e garantuar, transmeton Koha.net.
Ndërkaq protestën kundër korrupsionit, me kërkesën për dorëheqjen e bartësve të pozitave të larta në sistemin e drejtësisë, si pushtet i ndarë, ai e ka quajtur të drejtë qytetare dhe politike.
-
25 prill 2019 21:26
-
Shpërndaje në: