BE-ja kërkon detaje për operacionin e kthimit të kosovarëve nga Siria

Arbnora Luta Arbnora Luta 23 April 2019 19:14

Bashkimi Evropian ka shprehur interesim lidhur me aksionin e autoriteteve kosovare për kthimin e kosovarëve nga Siria.

Kryeministri Ramush Haradinaj ka kërkuar trajtim serioz të të kthyerve, ndërsa ka thënë se numri i atyre që kanë mbetur në Siri, nuk është shumë i madh, raporton KTV.

Ministri i Drejtësisë, Abelard Tahiri, bashkë me zëvendëskryeministrin Enver Hoxhaj janë duke e përgatitur letrën me detaje për aksionin, të cilën letër më pas do t’ua dërgojnë përfaqësuesve të shteteve të BE-së.

Ndërkohë, Qeveria ka miratuar vendimin për arritjen e marrëveshjeve për njohjen reciproke të patentë-shoferëve me Malin e Zi, Zvicrën dhe Francën.

Në këtë mbledhje Qeveria gjithashtu ka emëruar Valmir Hylenaj, zëvendësdrejtor të ASHNA-s.

© KOHA. Të gjitha të drejtat janë të rezervuara.

Komentet

Shto koment

Të ngjashme