MASHT-i angazhon me kontratë mbi vepër anëtarë të partisë Nisma Foto: Koha

MASHT-i angazhon me kontratë mbi vepër anëtarë të partisë Nisma

Edona Kutleshi Edona Kutleshi 23 April 2019 07:00

Ministria e Arsimit, Shkencës dhe Teknologjisë (MASHT) është bërë adresë për punësimin dhe angazhimin e militantëve të partisë Nisma Socialdemokrate, së cilës i takon edhe vetë ministri Shyqiri Bytyqi.

Ky institucion së fundi ka shpallur disa konkurse për pozita të ndryshme me kontratë “marrëveshje për shërbime të veçanta” apo (kontratë mbi vepër), shkruan sot “Koha Ditore”. Nga këto konkurse deri tash janë pranuar tre persona, dy prej të cilëve anëtarë të partisë Nisma dhe një familjare e asistentes së ministrit Bytyqi.

Këshilltari për media në MASHT, Valmir Gashi, ka thënë se pranimi i këtyre personave nuk nënkupton punësim, por vetëm angazhim. Por, nuk ka sqaruar përse në këto konkurse janë pranuar anëtarë të Nismës dhe familjarë të kabinetit të ministrit.

“Kjo është një temë që po e përsëritni e ripërsëritni me emra të njëjtë kohë pas kohe. Për të qenë sa më të qartë, marrëveshjet me shërbime të veçanta nuk nënkuptojnë punësim”, thuhet në përgjigjen e tij me shkrim.

(Artikullin e plotë mund ta lexoni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.

Komentet

Shto koment

Të ngjashme