Nakarada kujton 16 burrat e familjeve Mirena e Rama që u masakruan nga serbët

Dorentina Thaqi Dorentina Thaqi 21 April 2019 19:04

32 fëmijë të familjeve Mirena e Rama nga Nakarada e Komunës së Fushë Kosovës, mbeten pa baballarë, më 21 prill të vitit 1999.

Të njëjtin fat e përjetoi edhe Gentiana Mirena, e cila ishte vetëm 5-vjeçare kur forcat serbe ia vranë babanë.

Ajo tregon për vështirësitë që kaloi për këto 20 vjet.

E, Sherife Mirena, e cila humbi burrin e saj, thotë se e kishte shumë të vështirë t’i rriste e vetme katër fëmijët e saj.

Mbrëmjen e 21 prillit të vitit 1999, 16 burrat e familjes Mirena dhe Rama, forcat serbe i ndanë nga familjarët e tyre për t’i vrarë e masakruar.

Dy dekada dhimbje e mall, kanë gratë të cilat humbën fëmijët e burrat e tyre.

Drejtësi për zbardhjen e krimeve të bëra nga shteti serb, vazhdojnë të kërkojnë familjarët edhe pas 20 vjetësh.

Në nderim të të vrarëve të këtyre familjeve, të pranishëm për homazhe u panë vetëm anëtarë të Lëvizjes Vetëvendosje nga kjo komunë.

© KOHA. Të gjitha të drejtat janë të rezervuara.

Komentet

Shto koment

Të ngjashme