Familjarë të viktimave e të mbijetuar të masakrës së Tërnjes të zhgënjyer me masën e burgimit për Kozlinën

18 April 2019 19:03

Nënë e bir, të mbijetuar të masakrës së Tërnjes, po qëndrojnë në vendin ku forcat paramilitare serbe ua pushkatuan dy anëtarët tjerë të familjes, më 25 mars 1999.

Gjyle e Liridon Gashi, tmerrin që kishin përjetuar atë ditë nuk e kanë harruar asnjëherë, raporton KTV.

Liridoni, nga kjo masakër, mbeti pa babanë dhe motrën e vetme, e cila kishte qenë vetëm 13-vjeçare.

Pas 20 vjetëve, familjes Gashi, dhimbja i është shtuar kur dëgjoi për vendimin e Gjykatës së Beogradit.

Kjo gjykatë, për krimin e kryer në Tërnje të Suharekës ku u masakruan gjithsej 46 civilë shqiptarë, ka shpallur fajtor Rajko Kozlinën, të cilin e dënoi me vetëm 15 vjet burgim.

Familjarët janë të zhgënjyer që asnjëherë nuk morën përkrahje nga shteti.

Prokuroria për Krime Lufte e Serbisë, në vitin 2013 kishte ngritur aktakuzë kundër Pavle Gavrilloviqit dhe Rajko Kozlinës, për masakrën në Tërnje.

Gavrilloviqi akuzohej se në cilësinë e komandantit, kishte dhënë urdhër që të sulmohej fshati Tërnje.

© KOHA. Të gjitha të drejtat janë të rezervuara.

Komentet

Shto koment

Të ngjashme