Sindikata e Punëtorëve të PTK-së kërkon mos vazhdimin e kontratës me Z-Mobile, paralajmëron masa

Sindikata e Punëtorëve të PTK-së kërkon mos vazhdimin e kontratës me Z-Mobile, paralajmëron masa

Sanie Jusufi Sanie Jusufi 18 April 2019 13:57

Federata Sindikale e Punëtorëve të PTK-së ka kërkuar që të mos vazhdohet kontrata me Z-Mobile.

Në rast se ndodh një gjë e tillë kanë paralajmëruar se punëtorët do të bojkotojnë çdo aktivitet në punë që ka lidhje më këtë kontratë, transmeton Koha Ditore.

Kjo Sindikatë tregon se më 30 korrik 2019 skadon kontrata tejet e dëmshme për Telekomin e Kosovës, e lidhur me Z-Mobile vite më parë.

Sindikata numëron dëmet që ka shkaktuar kjo marrëveshje:

- Rrjeti dhe puna jonë, ndërsa tërë fitimi i Z-Mobile;

- Ngarkesat në rrjet dhe degradimi i shërbimeve tona për shkak të shërbimeve jo-konkurruese të Z-Mobile;

- Rreth 110 milion € humbje për këto vite nga Z-Mobile;

- Vazhdimi i kësaj kontrate është falimentim për Telekomin e Kosovës dhe humbje e vendeve të punës për punëtorët;

“Prandaj, ne, punëtorë të Telekomit të Kosovës, kërkojmë me çdo kusht që mos të vazhdohet kontrata korruptive ndërmjet Telekomit të Kosovës dhe Z-Mobile. Përndryshe, paralajmërojmë të gjithë se, bazuar në të drejtat tona sindikale të garantuara me ligj, do ta bojkotojmë çdo aktivitet në punë që ka lidhje më këtë kontratë”, thotë kjo sindikatë.

© KOHA. Të gjitha të drejtat janë të rezervuara.

Komentet

Shto koment

Të ngjashme