Edhe Thaçi edhe Haradinaj thonë se s’kanë informacione për ndonjë propozim në Samitin e Berlinit

Kushtrim Kadriu Kushtrim Kadriu 17 April 2019 19:12

Samiti i Berlinit pritet shumë shpejt t’i bëjë bashkë krerët shtetërorë të Kosovës dhe Serbisë, me takimet e kryeministrave e presidentëve.

Ndërmjetës aty do të jenë presidenti Emmanuel Macron dhe kancelarja Angela Merkel, raporton KTV.

Gazeta austriake “Der Standard” ka raportuar të mërkurën se në këtë samit do të varroset përfundimisht ideja e shkëmbimit të territoreve, por do të propozohet status i veçantë për veriun e Kosovës.

Por, kur është pyetur për mundësinë e prezantimit të një draft-marrëveshjeje në këtë samit, kryeministri Ramush Haradinaj ka thënë se nuk ka informacione.

Presidenti Hashim Thaçi, në Facebook ka folur me siguri se nuk do të ketë asnjë plan që do të propozohet për marrëveshjen Kosovë- Serbi.

“Bazuar në konsultat që kam zhvilluar, nuk do të ketë asnjë plan që do të propozohet për marrëveshjen Kosovë-Serbi. Për më tepër, nuk ka asnjë agjendë të fshehtë prapa këtij takimi. Presim që, në fund, ky takim të rezultojë me një deklaratë retorike të përgjithshme, paraprakisht të dakorduar mes pjesëmarrësve”, ka thënë Thaçi.

Ndërkohë, ende asnjë takim koordinues nuk kanë zhvilluar presidenti Hashim Thaçi dhe kryeministri Ramush Haradinaj, për ta paraqitur Kosovën me një qëndrim të njëjtë në Samitin e Berlinit.

Derisa, kryeministri Haradinaj është kundër përfshirjes së çështjes së ndryshimit të kufijve, presidenti Thaçi insiston në idenë e korrigjimit të kufijve.

Për analistin Imer Mushkolaj, dallimet e krerëve të institucioneve për dialogun dhe shkuarja në Berlin pa pasur një qëndrim unifikues, janë të dëmshme për vendin.

Presidenti Thaçi ka thënë se do të ishte dëshpëruese në rast se edhe në Samitin e Berlinit, Franca dhe Gjermania dështojnë të harmonizojnë qëndrimet e tyre për vendimin lidhur me liberalizimin e vizave për kosovarët.

© KOHA. Të gjitha të drejtat janë të rezervuara.

Komentet

tonca19/04/2019 15:12

A ka mudesi mi thon dikushe ketyre plehrav se na moren ne qafe nje populle te tere se Angela Merkel bashk me Francezet po na pergadisin surprize Zajednicen sic e kini dashedhe nenshkru para do vitesh. Tashe as pa Preshev e Bujanoc por me Zajdednice. Edhe ky fare Thaci ja futi te gjitheve i perdori per leshe,heret a von do te thotketyre kur thojsha/propozova une(mi shkemby teritoret) ju refuzuat tashe ja me keq pranoni zajednicen . Kure te keshe te bejshe me injoranta njerz pa vizion e pa dijeni kjo te ndodhe,ku jan ata analistat e leshit profesorat et doktora me diploma te blera qe spo folin ku, keqe na ka hy ne gjak Sebia dhe po duket qe disave po ju mungon prandaj s'bejne gje. Zoti e bekoft kete popul se qenka denu me heq ter jeten me keta politikan pa pik turpi gjithe jeten. Mjaftoj nje qeveri mu ndrru ne Amerik dhe po shihet cka ndodhe pa perkrahjen e tyre . Cafrdo autonomie qe ti jepet serbeve vetem nje bosnje e dyte ka me ndodhe ne te ardhmen dhe i identifikon serbet ne kosove si krahine. Shikoni cfar po ndodhe me Bosjne dhe cfar the Dodik para 2 diteve , kjo esthe e gjitha e pregaditur dhe orkestruar nga Sebia ( po serbet spo bejne ze tashe se e dine ). Ne funde edhe u kuritem me amerikanet edhe e hengrem sa krahi. Edhe po na fute serbia edhe po e çojme ne europe,neve nuk eshte tu na u ngut a po na njeh Serbia a jo perkundra atyre po, pas na njohe ,normalizu raportet nuk ka Europe sipas kapitulleit 35

Shto koment

Të ngjashme