Kolegji Penal i Gjykatës Supreme të Kosovës ka konfirmuar shkrimin e sotëm të gazetës “Koha Ditore” për shkeljen e ligjin nga ana e Gjykatës së Apelit në rastin e lirimit nga akuza të ish-drejtorit të Krimeve Ekonomike në Policinë e Kosovës, Emin Beqiri.
Në një njoftim për media, kjo Gjykatë thotë se “pas shkrimeve në media, të publikuara sot, sa i përket vendimit të Gjykatës Supreme për ish-drejtorin e Krimeve Ekonomike, në Policinë e Kosovës, E.B., i akuzuar për; keqpërdorim të pozitës zyrtare; pengim i të provuarit dhe moslajmërim i veprave penale apo kryerësve të tyre, njoftojmë opinionin publik, se bazuar në Kërkesën për Mbrojtje të Ligjshmërisë, të ushtruar nga Prokurori i Shtetit, kundër aktvendimeve të Gjykatës Themelore në Prishtinë, dhe të Gjykatës së Apelit, Kolegji Penal i Gjykatës Supreme, ka konstatuar shkeljen në favor të të pandehurit”, raporton Koha.net.
“Vendimi për këtë rast është duke u punuar, dhe në momentin që iu dërgohet palëve në procedurë, bazuar në Ligjin për Qasje në Dokumente Publike, mediat mund të kenë qasje në të”, thuhet në njoftimin për media të Gjykatës Supreme të Kosovës.
-
17 prill 2019 12:49
-
Shpërndaje në: