Avokati i Popullit nis hetime për drejtorët e larguar në MASHT Foto: Koha

Avokati i Popullit nis hetime për drejtorët e larguar në MASHT

Edona Kutleshi Edona Kutleshi 25 March 2019 07:14

Rast për hetime ka hapur Institucioni i Avokatit të Popullit (IAP) për rregulloren për Organizimin e Brendshëm dhe Sistematizimin e Vendeve të Punës në Ministrinë e Arsimit, Shkencës dhe Teknologjisë (MASHT).

Këtë rregullore e ka miratuar Qeveria në shtator të vitit të kaluar, shkruan sot Koha Ditore. Disa javë më pas, MASHT-i, duke u bazuar në këtë dokument largoi nga pozitat e tyre rreth 30 drejtorë e udhëheqës divizionesh.

Në vend të të larguarve, Ministria emëroi ushtrues detyre. Që nga ajo kohë drejtorët dhe udhëheqësit e larguar kanë mbetur pa u sistemuar në pozita ekuivalente ashtu siç e parasheh Rregullorja për Nëpunësit Civilë Tepricë.

Për më tepër, Ministria tash e disa muaj është duke paguar me pagë të njëjtë edhe ushtruesit e detyrës, por edhe të larguarit. Një gjë e tillë është duke i kushtuar buxhetit të shtetit mijëra euro në muaj. Paga e një drejtori në MASHT është rreth 590 euro derisa e një udhëheqësi divizioni 540 euro. Në bazë të kësaj, MASHT-i është duke shpenzuar mbi 30 mijë euro në muaj për pagesën e nga dy personave për një pozitë. (Artikullin e plotë mund ta lexoni në numrin e sotëm të Kohës Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.

Komentet

Shto koment

Të ngjashme