OAK, KSB dhe OEMVP punojnë për të rritur bashkëpunimin dhe eksportin

OAK, KSB dhe OEMVP punojnë për të rritur bashkëpunimin dhe eksportin

15 mars 2019 13:06

Mundësitë e bashkëpunimit, ndërlidhja e bizneseve të Kosovës, Maqedonisë dhe atyre Sllovene, ishte arsyeja që Oda e Afarizmit të Kosovës dhe Klubi Slloven i bizneseve organizuan një takim të përbashkët, njofton OAK përmes një komunikate për media.

ftuar në këtë aktivitet nga OAK ishte Oda Ekonomike e Maqedonisë Veriperëndimore.

Kryetari i Bordit të OAK Skënder Krasniqi, para të pranishmëve prezantoi rëndësinë dhe punën që OAK në kontinuitet po bënë për bizneset.

Krasniqi theksoi rëndësinë e lidhjes së Memorandum Bashkëpunimit me Klubin Slloven të Bizneseve duke theksuar që ky takim u organizua me qëllim të shkëmbimit të përvojave dhe mundësive për bashkëpunim përmes takimit të drejtpërdrejt të bizneseve mes vete.

Ndërsa Bajram Fusha Kryetar i Klubit Slloven, prezantoi institucionin që drejton, bashkëpunimet me institucionet në Kosovë, fushat e fokusuara, anëtarët e tyre, sjelljen e investitorëve, gjetjen e partnerëve, organizimin e vizitave studimore dhe panaireve në Slloveni.

Fusha tregoi arsyen e thirrjes së takimit në bashkëpunim me Odën e Afarizmit të Kosovës, e cila u bë me qëllim të krijimit të mundësive të bashkëpunimit të ndërsjellë të bizneseve të Sllovenisë dhe bizneseve të Kosovës, shkëmbimit të përvojave dhe njohurive të dyanshme.

Fusha njëherësh ftoi bizneset që t’i drejtohen lirshëm përmes OAK tek KSB për çdo kërkesë që kanë, interesat e tyre, gjetjen e tregut dhe krijimin e partneritetit, të shfrytëzojnë mundësitë e ofruara.

Ndërsa Nebih Hoxha Kryetar i Odës Ekonomike të Maqedonisë Veri-Perëndimore falënderoi OAK për ftesën dhe u shpreh i kënaqur me një organizim të këtillë duke e parë si një aktivitet shumë të nevojshëm në mes bizneseve të rajonit.

Komentet

Shto koment

Të ngjashme