Haradinaj ripërsërit se pavarësisht presioneve, taksa mbetet

Haradinaj ripërsërit se pavarësisht presioneve, taksa mbetet

04 March 2019 12:58

Kryeministri i Kosovës, Ramush Haradinaj ka përsëritur qëndrimin e tij se taksa ndaj Serbisë përkundër presioneve të vazhdueshëm do të mbetet.

Ndërsa, sa i përket vazhdimit të dialogut, kreu i qeverisë ka kërkuar ndihmën e të gjithëve për të vazhduar atë, mirëpo pa u ndërlidhur me taksën.

Duke përmendur bashkëpunimin e Kosovës me SHBA-në, kreu i qeverisë tha se mënyra ma e mirë për t’i forcuar marrëdhëniet është që të arrihet njohja reciproke mes Kosovës dhe Serbisë.

“Mënyra për me dalë prej këtu ku jemi është njohja e Serbisë ndaj Kosovës”, tha ai, raporton kp.

Duke përmendur deklaratat e tij sa i përket ambasadores Vlora Çitaku, ai tha se në raste të caktuara ajo nuk i ka shprehur qëndrimet e sakta të Kosovës.

Këto deklarata kryeministri i bëri gjatë një vizite pune që kishte në komunën e Gjilanit.

Kryetari i kësaj komune, Lutfi Haziri u shpreh se të gjitha partitë politike në Kosovë janë për dialog, mirëpo, ajo që dallon sipas tij është forma si duhet bërë.

Kurse, sa i përket komenteve të tij për korrigjim të kufijve, Haziri tha se qëndrimi i LDK-së dihet që Kosova e 17 shkurtit 2008 në këto rrethana do të mbetët e pa prekshme.

Komentet

Shto koment

Të ngjashme