SHBA për djegien e mandateve: Do të zhgënjeni njerëzit të cilëve keni privilegjin t’u shërbeni Foto: Kuvendi i Shqipërisë / ilustrim

SHBA për djegien e mandateve: Do të zhgënjeni njerëzit të cilëve keni privilegjin t’u shërbeni

19 February 2019 21:13

Ambasada Amerikane në Tiranë me anë të një deklarate shprehet se “kërcënimet nga Partia Demokratike, Lëvizja Socialiste për Integrim dhe parti të tjera opozitare për të braktisur mandatet e tyre në parlament minojnë parimet bazë të demokracisë dhe sabotojnë përparimin e rëndësishëm që Shqipëria ka arritur në zbatimin e ligjit dhe qeverisjen e përgjegjshme”.

“Një demokraci e shëndetshme kërkon një opozitë që funksionon në mënyrë konstruktive brenda institucioneve kushtetuese. Kërcënimet nga Partia Demokratike, Lëvizja Socialiste për Integrim dhe parti të tjera opozitare për të braktisur mandatet e tyre në parlament minojnë parimet bazë të demokracisë dhe sabotojnë përparimin e rëndësishëm që Shqipëria ka arritur në zbatimin e ligjit dhe qeverisjen e përgjegjshme”, thuhet në letrën e Ambasadës së SHBA-së në Tiranë.

Në letër që është publikuar edhe në faqen e Ambasadës në Facebook, “Shtetet e Bashkuara iu bëjnë thirrje të gjithë deputetëve të ngrihen mbi sherret politike, të refuzojnë thirrjet për të braktisur mandatet e tyre dhe të mbrojnë idealet dhe parimet që janë me rëndësi thelbësore për çdo demokraci të fortë”.

“Nëse dështoni të bëni punën tuaj, do të zhgënjeni njerëzit të cilëve keni privilegjin t’u shërbeni”, përfundon reagimi i Ambasadës amerikane në Tiranë.

Komentet

Shto koment

Të ngjashme