KFOR-i nuk sheh kërcënim të drejtpërdrejtë, shqetësohet me retorikën Foto: Alban Bujari

KFOR-i nuk sheh kërcënim të drejtpërdrejtë, shqetësohet me retorikën

Agron Bajrami Agron Bajrami 11 shkurt 2019 07:30

Forca paqeruajtëse e NATO-s në Kosovë është e vendosur të ruajë ambientin e sigurt, pavarësisht zhvillimeve politike dhe tensionimeve të mundshme, që aktualisht rrezikohen të nxiten nga përshkallëzimi i gjuhës dhe retorika politike. Kështu ka thënë komandanti i KFOR-it, gjeneralmajori italian Lorenzo D’Addario, në intervistën për “Kohën Ditore”.

Ai konsideron se momenti aktual ofron mundësi për një zgjidhje politike, por insiston se kjo është punë e politikanëve, ndërsa ushtarakët e kanë punë të analizojnë çdo skenar ashtu që të mos zihen në befasi, shkruan sot “Koha Ditore”.

KD: Janë bërë më shumë se dy muaj tani që jeni këtu, dhe secili komandant i KFOR-it e ka pasur perceptimin e tij se cili do të jetë misioni i tij gjatë mandatit. Mendoj se secili prej tyre madje ka pasur emërtimin, moton e vet, të misionit që kanë dashur ta përmbushin gjatë qëndrimit të tyre këtu. Cili është i juaji?

D’Addario: E saktë. Ju faleminderit. Në rend të parë dua të them se, po, jam këtu tash e dy muaj e gjysmë dhe ka qenë shumë qetë pasi që jam kthyer, pasi që kam qenë këtu më 1999 dhe më 2004.

Janë këto dy përvoja, të cilat më kanë dhënë një shije të dy situatave të ndryshme, kur kam menduar se KFOR-i është dëshmuar relevant, në mënyra të ndryshme. Por një gjë tjetër që do të doja ta thosha është se vërtet jam kënaqur me mikpritjen dhe ngrohtësinë e popullit dhe madje edhe të institucioneve, do të mund të thosha.

Keni të drejtë, secili komandant e zgjedh një moto dhe kur unë erdha e zgjodha: “Të bashkuar në përkushtim”, si moton time.

(Intervistën e plotë mund ta lexoni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.

Komentet

Shto koment

Të ngjashme