Sindikata e Punëtorëve të Postës dhe Telekomit të Kosovës është kundër privatizimit të Telekomit.
Lami Balaj, kryetar i Sindikatës, pas një takimi me ministrin e Zhvillimit Ekonomik, Valdrin Lluka, megjithatë ka thënë se e përkrahin ristrukturimin e kësaj ndërmarrjeje, raporton KTV.
Ai ka bërë të ditur se ia paraqitën shqetësimet ministrit se ndërmarrja nuk është menaxhuar si duhet, dhe për këtë, sipas tij, është i nevojshëm ristrukturimi.
Ministri Lluka, në anën tjetër, ka deklaruar se ristrukturimi që do të ndodhë në Telekom, është i domosdoshëm.
Ai ka thënë se Sindikata do të jetë e përfaqësuar në vendimmarrje.
Ekzekutivi kosovar javën e kaluar mori vendim për nisjen e procedurave për privatizimin e Telekomit të Kosovës.
E, shumica e punëtorëve janë deklaruar kundër privatizimit të kësaj ndërmarrjeje, e cila viteve të fundit ka punuar me humbje nga 8 deri në 52 milionë euro në vit.
Për blerjen e Telekomit, ministri Lluka ka thënë se tashmë kanë shfaqur interesim kompani nga Evropa e Amerika.
-
28 janar 2019 19:52
-
Shpërndaje në: