PSD-ja nuk heq dorë nga kërkesa për shkarkimin e Rikalos Foto: Koha

PSD-ja nuk heq dorë nga kërkesa për shkarkimin e Rikalos

Dardane Neziri Dardane Neziri 22 January 2019 07:00

Një muaj janë bërë qëkur kryeministri i Kosovës, Ramush Haradinaj, u zotua për plotësim të kërkesave të Partisë Socialdemokrate (PSD), si kusht për votimin e Projektbuxhetit për këtë vit. Njëri prej kushteve është shkarkimi i ministrit të Bujqësisë, Pylltarisë dhe Zhvillimit Rural, Nenad Rikalo.

Mirëpo, edhe një muaj pas dhënies së premtimit, zyrtarët e Qeverisë nuk janë përgjigjur nëse do të shkarkohet ministri që vjen nga Lista Serbe. Ata kanë thënë se i kanë votat për Projektbuxhetin, shkruan sot “Koha Ditore”.

Në anën tjetër, zyrtarët e PSD-së kanë thënë se qëndrojnë pranë kushtit për shkarkimin e Rikalos, si dhe pranë kushteve të tjera rreth buxhetit.

Më 21 dhjetor të vitit të kaluar, Kuvendi i Kosovës ka votuar në parim Projektligjin për Buxhetin, por vetëm pasi Qeveria u zotua për përmbushjen e pesë kushteve të PSD-së, si kusht për votim.

(Artikullin e plotë mund ta lexoni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.

Komentet

Shto koment

Të ngjashme