Oda e Mjekëve kërkon që ankesat e pacientëve ndaj mantelbardhëve të bëhen me pagesë

Dorentina Thaqi Dorentina Thaqi 12 janar 2019 20:31

Nga 30 euro duhet të paguajë çdo pacient i cili ankohet për shërbime shëndetësore në Odën e Mjekëve.

Qytetarët po e kundërshtojnë këtë vendim, pasi thonë se u duhet të paguajnë gjëra të tjera për shërbime shëndetësore, raporton KTV.

E Shoqata e Pacientëve e ka pritur me shqetësim vendimin e Odës së Mjekëve, që ka vendosur pagesë prej 30 eurosh për pacientët që duan të deponojnë ankesë për shërbime jo të mira.

Kjo shoqatë edhe është ankuar tek Avokati i Popullit, Hilmi Jashari.

Nga ky institucion kanë thënë se janë në fazën e analizës juridike pas pranimit të përgjigjes nga Oda e Mjekëve, para se të marrin të tjera masa për këto ankesa të qytetarëve.

Kryetari i Odës së Mjekëve, Pleurat Sejdiu, ka thënë se vendimi është brenda kuadrit ligjor dhe se rastet sociale janë të përjashtuara nga kjo pagesë.

Ky vendim ishte marrë nga Oda e Mjekëve të Kosovës në fillim të muajit dhjetor të 2018.

© KOHA. Të gjitha të drejtat janë të rezervuara.

Komentet

Shto koment

Të ngjashme