SBASHK-u paralajmëron grevë në orën e parë të mësimit

SBASHK-u paralajmëron grevë në orën e parë të mësimit

26 December 2018 09:14

Sindikata e Bashkuar e Arsimit, Shkencës dhe Kulturës së Kosovës (SBASHK) ka paraparë për të enjten grevë në orën e parë të mësimit.

Siç ka mësuar Koha Ditore, greva do të mbahet rreth mos realizimit të kërkesave të sindikatës për ngritjen e koeficientit të mësimdhënësve në projektligjin për paga.

Menaxheri për financa në SBASHK, Ymer Ymeri i ka thënë gazetës se për këtë grevë e kanë marrë pajtimin e të gjitha shkollave. Ai ka bërë të ditur se nëse kërkesa e tyre nuk realizohet, nuk do të nisë gjysmëvjetori i dytë ashtu siç është paraparë nga Ministria e Arsimit, Shkencës dhe Teknologjisë (MASHT).

“Grevë do të ketë të enjten në orën e parë në dy ndërrimet për ngritjen e koeficientit në ligjin e pagave. Të hënën dhe të martën gjatë ditës kemi marrë mendimet e të gjitha komunave dhe shkollave në Kosovë dhe të gjithë janë deklaruar për grevë”, ka thënë Ymeri.

Sindikata ka paralajmëruar për sot në ora 12:00 një konferencë për media ku pritet të bëhen të ditura detajet rreth grevës.

Sindikata e Bashkuar e Arsimit, Shkencës dhe Kulturës së Kosovës ka paraparë për të enjten grevë në orën e parë të mësimit/ Edona Kutleshi.

© KOHA. Të gjitha të drejtat janë të rezervuara.

Komentet

Shto koment

Të ngjashme