Fuqizimi i sigurisë në bashkësi i kontribuon sigurisë në nivel vendi

Fuqizimi i sigurisë në bashkësi i kontribuon sigurisë në nivel vendi

17 December 2018 15:09

Prishtinë, 17 dhjetor - Ministria e Punëve të Brendshme së bashku me Këshillin Ekzekutiv të Forumeve të Sigurisë në Bashkësi të Republikës së Kosovës mbajtën sot takimin e fundit për vitin 2018. Në këtë takim u diskutua për kapacitetet operacionale, sfidat si dhe rekomandimet për ngritjen e rolit të forumeve të sigurisë në bashkësi.

Qëllimi ynë është të fuqizojmë rolin e forumeve të sigurisë në bashkësi, që të shërbejnë si një qendër dinamike, e cila do të ndihmojë në planifikimin e politikave parandaluese dhe proaktive me bazë tek qytetari, tha në hapje të takimit ministri i Punëve të Brendshme, z. Ekrem Mustafa.

“Njeri ndër prioritet e Republikës së Kosovës është siguria, për çka Qeveria ka një angazhim të vazhdueshëm për krijimin dhe ruajtjen e një ambienti të sigurt për të gjithë qytetarët e saj”, u shpreh ministri.

Ministri Mustafa theksoi se me Strategjinë për Siguri ne Bashkësi, si dhe Strategjinë e Policimit në Bashkësi, siguria e qytetarit është bërë prioritet për institucionet e vendit dhe njëkohësisht mundëson partneritet përmes vetëdijesimit dhe adresimit të çështjeve të sigurisë.

“Mundësia e qytetarit për të qenë proaktiv me politikat në interes lokal, është siguruar përmes forumeve të sigurisë nëpër komuna dhe kjo pjesëmarrje aktive kontribuon në siguri më të madhe në të gjitha dimensionet në nivel vendi”, theksoi ministri Mustafa.

Në këtë takim diskutuan edhe ambasadori i OSBE-së, z. Jan Braathu, ambasadori i Norvegjisë në Kosovë, z. Per Strand Sjaastad, kryetarë të komunave si dhe zyrtarë të këshillave komunale për siguri në bashkësi.

Drejtori i Departamentit për Siguri Publike i MPB-së, z. Mensur Hoti, prezantoi raportin e përmbledhur me gjetjet dhe konkluzionet lidhur me vlerësimin e kapaciteteve operacionale të forumeve të sigurisë në bashkësi në të gjitha komunat.

Ky takim është mbështetur nga misioni i OSBE-së në Kosovë.

Komentet

Shto koment

Të ngjashme