Projekti i kampanjës për vetëdijesimin e qytetarëve për kuponët fiskalë kishte nxitur fiskalizimin e 8 mijë e 275 bizneseve në Kosovë.
Deri tash janë 30 mijë biznese të fiskalizuara, me gjithsej 40 mijë pajisje në të gjithë vendin.
Ndryshimi i formës së rimbursimit nga ana e Administratës Tatimore të Kosovës për qytetarët që mbledhin kuponë fiskalë ka qenë një dekurajim dhe ka ndikuar dukshëm në rënien e interesimit për të mbledhur kuponë fiskalë.
Disa nga qytetarët thonë se çdo herë janë kujdesur që t’i marrin kuponët fiskalë.
Menaxherët e disa bizneseve, prapa kamerës, kanë thënë se qytetarët, në 90% të rasteve, i marrin kuponët fiskalë. Ka raste që kur harrojnë kthehen dhe i kërkojnë.
Nga ATK-ja thonë se kampanjën e re të rimbursimit e kanë bërë për arsye që nuk kanë pasur mjete financiare që të vazhdojnë me kampanjën e vjetër.
Rimbursimi i kuponëve fiskalë nga ana e ATK-së ka filluar në vitin 2016. Ndërkaq, me formën e re të rimbursimit me kuponë fiskalë, nga janari e deri në tetor, kanë aplikuar 161,681 qytetarë.
Qytetarët vazhdimisht nxiten ta kërkojnë kuponin fiskal, por janë bizneset ato që duhet ta lëshojnë atë patjetër edhe nëse konsumatori nuk e kërkon.
-
9 dhjetor 2018 23:05
-
Shpërndaje në: