Arbëri

Daçiqi pret nga Perëndimi ta bindë Prishtinën që ta heqë taksën

Foto: Koha

Shefi i diplomacisë serbe, Ivica Daçiq ka thënë se pret nga Perëndimi që ta bindë Prishtinën që sa më parë ta kthejë mbrapsht vendimin për tarifat ndaj Serbisë.

“Kur kanë mundur para tri viteve që për pak ditë ta detyrojnë Kroacinë të ndërprejë bllokadën e kufirit ndaj Serbisë, andaj më lehtë do të duhej të ishte ta detyronin Prishtinën që ta bënte të njëjtën”, ka thënë Daçiqi në një intervistë për mediat serbe, përcjell KTV.

Ai ka thënë se nuk ka qeveri në botë, duke e përfshirë atë të SHBA-së që nuk ka kërkuar heqjen e taksës, dhe se ndryshe mund të mendojë vetëm qeveria e Shqipërisë dhe disa deputetë kroatë.