Sot është ditëlindja e ish-presidentit Ibrahim Rugova Foto: Koha / ilustrim

LDK-ja bën homazhe te varri i Rugovës në ditëlindjen e 74-të

02 December 2018 08:16
11:47

Në homazhe te Rugova, LDK-ja thotë se institucionet e vendit kanë humbur legjitimitetin

Kryesia e LDK-së dhe aktivistë të këtij subjekti politik kanë bërë homazhe te varri i ish presidentit Ibrahim Rugova në ditëlindjen e 74-të të tij.

Nënkryetari i LDK-së, Agim Veliu ka thënë se kontributi i Rugovës për Kosovën dhe popullin shqiptar është i jashtëzakonshëm.“Trashëgimia e tij është shumë e madhe , kontributi i tij është shumë i madh edhe ne jemi borxhli gjithë jetën ta kujtojmë në datëlindjen e tij edhe në data tjera”, ka deklaruar Veliu, raporton KTV.

11:30

Pacolli: Edhe kundërshtarët e Rugovës po e ndiejnë nevojën për të

Ministri i Punëve të Jashtme, Behgjet Pacolli ka thënë se sa më shumë që po i largohemi ditëvdekjes së Ibrahim Rugovës, aq më shumë po e ndiejmë nevojën për të.

“Sa më shumë i largohemi ditëvdekjes së Ibrahim Rugovës, aq më shumë ne që e adhuronim, por dhe kundërshtarët e tij, e ndiejmë nevojën për të, me idetë, frymën dhe vizionin rugovian. Gjithmonë e më shumë themi për problemet e mëdha: për këtë çështje, Rugova mendonte kështu! Kjo është përjetësia”, tha ai në një postim në Facebook.

“Lavdi figurës së Arkitektit të Pavarësisë dhe Shtetësisë sonë”, përfundoi Pacolli.

Sot ish-presidenti Rugova do të mbushte 71 vjeç. Ai vdiq më 21 janar të vitit 2006.

09:29

Mustafa: Rugova ishte vizionar, padyshim arkitekti i këtij shteti të pavarur

Kryetari i LDK-së, Isa Mustafa, ka përkujtuar sot Presidentin Historik të Kosovës, Dr. Ibrahim Rugova, me rastin e shënimit të 74 vjetorit të lindjes.

“Presidenti Ibrahim Rugova, ishte themeltar i shtetit të Kosovës, burri i madh i këtij vendi, vizionar, i mençur, burrë i urtë dhe me intelektin e pashoq, e udhëhoqi popullin e Kosovës drejt lirisë, pavarësisë dhe demokracisë, duke e bërë të mundshëm realizimin e këtyre aspiratave shekullore. Rugova, padyshim ishte arkitekt i shtetit të pavarur dhe sovran të Kosovës. Ai me diplomacinë e tij fitoi përkrahjen e botës demokratike dhe bëri shumë miq të politikës botërore”, ka thënë Mustafa.

Tutje, ai ka thënë se Lidhja Demokratike e Kosovës, me përkushtim do të vazhdojë ta mbrojë shtetësinë e Kosovës, partneriterin me SHBA-të dhe shtetet e BE-së, rrugë të cilën e ka trashëguar nga Presidenti Rugova.

08:16

Sot është ditëlindja e ish-presidentit Ibrahim Rugova

Sot është ditëlindja 74-të e ish-presidentit të Kosovës, Ibrahim Rugova.

Për të nderuar veprimtarinë e ish-presidentit Rugova, kryesia e LDK-së do të bëjë homazhe tek varri i tij në Velani.

Ish-presidenti Rugova ka vdekur më 21 janar të vitit 2006 dhe është presidenti i parë i Kosovës.

Komentet

Shto koment

Të ngjashme