Arbëri

Videoja promovuese, Kosova ia huq Republikës

Kryeministri Ramush Haradinaj, e pas tij ministra, ambasadorë e këshilltarë kanë postuar sot një video promovuese të Kosovës në anglisht.

I kanë lutur qytetarët e Kosovës ta shpërndajnë, për siç është thënë përpjekjen për ta treguar fytyrën e vërtetë të Kosovës.

Por, në fund të videos që tregon se ajo është përgatitur nga Ministra e Tregtisë dhe e Industrisë, në anglisht është shkruar “Republc” në vend të “Republic of Kosovo”, raporton KTV-ja.

Në një tjetër video në të kaluarën NewBorn ishte lexuar NewPorn. Qeveritë shpenzojnë miliona për imazhin e Kosovës në mediat ndërkombëtare.