Komisionari për Zgjerim i Bashkimit Evropian, Johanes Hahn, ka njoftuar se ka zhvilluar bisedime sot me presidentin e Kosovës, Hashim Thaçi, kryeministrin Ramush Haradinaj, si dhe me presidentin e Serbisë, Aleksandar Vuçiq, lidhur me zhvillimet e fundit ndërmjet dy vendeve që kanë të bëjnë me taksën e vendosur prej 100 për qind nga Qeveria e Kosovës për mallrat serbe dhe ato boshnjake.
Përmes një postimi në Twitter, Hahn ka theksuar se gjatë bisedimeve, është rënë dakord për nevojën urgjente për qetësi në interes të gjithë rajonit.
“Bisedova me Vuçiqin, Thaçin dhe Haradinajn sot. U pajtuam për nevojën urgjente për qetësi dhe mospërshkallëzim në interes të gjithë rajonit. U ofrova ndihmën që të punojmë në mënyrë të shpejtë dhe zgjidhje praktike të çështjes së CEFTA-s”, ka shkruar Hahn, transmeton Koha.net.
Spoke to @predsednikrs @avucic, President @HashimThaciRKS, PM @haradinajramush today. We agreed on the urgent need for calm and deescalation, in the interest of the whole region. I offered help to work on rapid, practical solutions for the various trade issues at hand. CEFTA
— Johannes Hahn (@JHahnEU) November 23, 2018
-
23 nëntor 2018 19:54
-
Shpërndaje në: