Kurz skeptik për Ushtrinë e Kosovës dhe liberalizimin e vizave

Kurz skeptik për Ushtrinë e Kosovës dhe liberalizimin e vizave

06 nëntor 2018 11:33

Kancelari austriak Sebastian Kurz është shprehur skeptik si për formimin e ushtrisë së Kosovës, e po ashtu edhe për liberalizimin e vizave.

Pas takimit me presidentin Hashim Thaçi, kancelari Kurz, tha se presin që të këtë dialog me partnerët ndërkombëtarë, që në rajon të merren masa për t’u krijuar stabilitet e jo masa që krijojnë destabilitet.

Kurz ka përmendur votimin në Komision dhe Parlamentin Evropian pro liberalizimit të vizave, por shkaku i skepticizmit të disa prej shteteve, ka thënë se do të jetë i kujdesshëm në deklarim për pritjet nga ky proces, derisa sipas tij, prioritet duhet të mbetet dialogu me Serbinë, dhe se do të mbështesin çfarëdo marrëveshje që del nga ky dialog, edhe nëse përfshin korrigjim kufijsh, raporton KTV.

Në anën tjetër, presidenti Thaçi derisa ka falënderuar kancelarin dhe shtetin austriak për ndihmën, ka theksuar përkushtimin e tij për procesin e dialogut. Kancelari austriak, gjithashtu është takuar me kryeministrin e Kosovës, Ramush Haradinaj.

© KOHA. Të gjitha të drejtat janë të rezervuara.

Komentet

Vakti12/11/2018 15:01

Ashtë e dhimshme që një kancelar i Austrisë të jetë "skeptikë" për ushtrinë e Kosovës! Ushtri që do të ketë 5 mijë ushtarë, e cila sipas tij do të paraqiste rrezik për sigurinë në rajon. Në ndërkohë që Serbia armatoset nga Rusia me arsenalin ma të përsosur të armatimit. Por ky nuk do të duhej të jetë krejt faji i këtij Kancelari vetëm me ushtrinë, ky tani ma mbështetë edhe çmendurinë e Presidentit të Kosovës edhe për prekjen e shtetësisë. Pra kush ashtë fajtori për paaftësitë e shqiptarëve për të mbajtur Shtet?!

Kosovari!06/11/2018 14:53

Ja si eshte "europa"! Z. Kurz nuk na nevojiten "porosit" tuaja. Nese edhe te tjeret mendojne njejte si JU ateher mund te ju themi LAMTUMIRE juve Europe. Nuk na nevojiteni. Merruni me probelemete tuaja e qe shpresoj shume se edhe ky UNION Europian do te shperbehet shpejt.

Shto koment

Të ngjashme