Arbëri

Haradinaj i gëzohet projektrezolutës për shtesat e fëmijëve

Kryeministri i Kosovës, Ramush Haradinaj, i është gëzuar dërgimit të projekt-rezolutës për shtesat e fëmijëve në Kuvendit e Kosovës.

Kjo projekt-rezolutë, sipas shefit të ekzekutivit, parasheh që çdo fëmijë në Republikën e Kosovës, prej moshës 0-16 vjeç, të gëzojë shtesa, çdo muaj, duke filluar nga 10 euro, pastaj sipas mundësive buxhetore, kjo shumë edhe mund të rritet.

“Bëhet fjalë për rreth 500 mijë fëmijë në tërë Kosovën që do ta gëzojnë këtë të drejtë”, theksoi Haradinaj në një postim në Facebook.

Ai tha se projekt-rezoluta për shtesat e fëmijëve është një nga hapat e Qeverisjes së tij për të zhvilluar politika të qëndrueshme në mbrojtjen e fëmijëve dhe familjes.