Thaçi i bindur se Veseli e Haradinaj herë do kur do të ndërrojnë mendje për korrigjimin e kufijve

13 shtator 2018 19:17

Qysh në korrik, presidenti Hashim Thaçi e nisi serinë e konferencave për media, ku e bëri të ditur qëndrimin për korrigjim të kufijve me Serbinë dhe bashkimin e Luginës me Kosovën.

Këtë ide, Thaçi e ka përsëritur edhe gjatë të enjtes.

Presidenti ka thënë se nuk do të nënshkruhet asnjë marrëveshje përfundimtare me Serbinë, e cila nuk siguron njohjen reciproke.

Për kundërshtimin e idesë së tij për korrigjim të kufijve nga ana e kryeministrit Haradinaj dhe kryreparlamentarit Veseli, Thaçi ka thënë se herë do kurdo që të dy do të ndërrojnë mendje.

Ndërsa, deklarimet e opozitës se po i frikësohet Gjykatës Speciale, Thaçi i ka quajtur konspiracion.

Presidenti bëri thirrje që sa më parë të funksionalizohet ekipi qeveritar i dialogut, duke kërkuar edhe nga opozita që të bëhet pjesë e këtij ekipi.

Presidenti ka deklaruar se asnjëherë nuk do të bisedohet me Serbinë për Liqenin e Ujmanit dhe për Trepçën.

Ai nuk ka treguar nëse e ka në plan ta vizitojë Liqenin e Ujmanit.

© KOHA. Të gjitha të drejtat janë të rezervuara.

Komentet

Shto koment

Të ngjashme