Ku përfundon Kopaoniku i Kosovës dhe ku fillon ai i Serbisë Fotomontim nga TV prva

Ku përfundon Kopaoniku i Kosovës dhe ku fillon ai i Serbisë

15 gusht 2018 22:49

Deklarata e kryetarit të Serbisë Aleksandar Vuçiq se Serbia nuk e kontrollon krejt Kopaonikun dhe se vetëm 300 metra larg majës së tij, e cila quhet Maja e Pançiqit, mund të shihen ushtarët e KFOR-it ka befasuar shumë dhe ka alarmuar jo vetëm mediet në Serbi, transmeton Koha.net.

Natyrisht këtë deklaratë Vuçiqi e kishte bërë në funksion dhe në shërbim të idesë së tij për të ndarë Kosovën me qëllim që të shkëpusë pjesë të veriut të saj, transmeton Koha.net. Vuçiq, madje, ngritjen e Kosovës në shpatet e Kopaonikut e kishte quajtur sqep të Kosovës në brendi të Serbisë dhe ishte angazhuar për heqjen e këtij “sqepi” duke e marrë këtë territor.

Gjurmëve të deklaratave të kryetarit të Serbisë, sot kishin shkuar reporterët e TV Prva.

Ata nga Kopaoniku, Leposaviqi e Beogradi, siç përcjellë b92, , kanë zbuluar si është krijuar kufiri Kosovë- Serbi (në medie serbe quhet vijë administrative) si dhe deri ku arrijnë kompetencat e ushtrisë serbe në këtë mal që i ndan dy vendet.

“Kjo dylbi në majë Kopaoniku gjendet në tre kufijtë e tri komunave serbe. Tash është e kthyer nga komuna e Brusës, kur shikoni këtej, shihni komunën Rashkës, e nga kjo anë e shihni komunën e Leposaviqit e cila gjende në Kosovë”, thotë njëri reporter.

“Gjendemi në vendin Jeçmishte, në skajin e veriut të Kosovës, në Leposaviq . Prapa është qafa malore e komunës së Rashkës. Këto vikendica banimi janë në Kopaonik, por ato nuk gjenden në Serbi veçse në Kosovë. Dhe po u rrotulluam vetëm pak, do ta shohim Majëne Pançiqit”, thotë reporteri tjetër.

Në këtë storie televizive flasin banorë serbë nga Kosova të cilët ndër të tjera thonë se Serbia shtrihet nga Kopoaniku deri në Mitrovicë.

© KOHA. Të gjitha të drejtat janë të rezervuara.

Komentet

Shto koment

Të ngjashme