Greva la mesatarisht nga 90 lëndë pa u proceduar vetëm në Gjykatën Themelore të Prishtinës

Greva la mesatarisht nga 90 lëndë pa u proceduar vetëm në Gjykatën Themelore të Prishtinës

09 korrik 2018 19:46

Punëtorët e administratës së gjykatave dhe prokurorive të Kosovës, janë të vendosur për ta vazhduar grevën.

Tash e pesë ditë ata janë duke e bojkotuar punën dhe po qëndrojnë në sallat e takimeve nga fillimi i orarit të punës, që nga ora 08:00 e deri në përfundim të tij, në ora 16:00, raporton KTV.

Kërkojnë rritjen e pagave për 100 për qind, e kjo kërkesë e tyre u bë pas vendimit të Qeverisë për rritje të pagave për gjyqtarët e prokurorët.

Kryetari i Këshillit grevist, njëherësh kryetari i Sindikatës së Pavarur të Juridikaturës Asllan Rusinovci, ka deklaruar për “Kohavisionin” se greva vazhdon deri në realizimin e kërkesave të tyre.

Sipas grevistëve në Gjykatën Themelore të Prishtinës, vetëm gjatë së hënës kanë mbetur pa u proceduar 98 lëndë, megjithatë jo të gjitha lëndët kthehen prapa.

Shumë qytetarë, gjatë këtyre ditëve të grevës janë kthyer prapa, duke mos kryer punët e tyre.

Greva e punëtorëve të administratës së gjykatave dhe prokurorive të Kosovës, ka filluar nga 4 korriku me kërkesat për rritje pagash për rreth 2 mijë punëtorët e administratës dhe rregullimin e statusit të tyre.

© KOHA. Të gjitha të drejtat janë të rezervuara.

Komentet

Shto koment

Të ngjashme