Arbëri

Kosova nikoqir i Samitit të Komisioneve parlamentare për punë të jashtme të shteteve të Evropës

Nën organizimin e Komisionit për Punë të Jashtme të Kuvendit të Kosovës, të hënën dhe të martën (nesër dhe pasnesër) në Prishtinë, mbahet Samiti i komisioneve për punë të jashtme të parlamenteve të shteteve të Evropës.

Në këtë Samit do të marrin pjesë përfaqësues të Parlamentit Evropian dhe të parlamenteve të shteteve të ndryshme evropiane, drejtues të institucioneve ndërkombëtare në Kosovë dhe institucioneve vendore.

Panelistët dhe pjesëmarrësit e tjerë do të diskutojnë për perspektivat e zgjerimit të BE-së, përforcimin e bashkëpunimit ndërmjet vendeve të Ballkanit në rrugën drejt integrimeve në organizatat ndërkombëtare, për krizën e emigracionit, si dhe për luftën kundër terrorizmit dhe radikalizmit në rajon.

Në fund, pritet të nxirren konkluzionet dhe një deklaratë e përbashkët.