Reshitaj në Vjenë flet për sfidën e ndryshimeve klimatike

Reshitaj në Vjenë flet për sfidën e ndryshimeve klimatike

24 qershor 2018 13:46

Ministrja e Mjedisit dhe Planifikimit Hapësinor Albena Reshitaj, mori pjesë në Këshillin Joformal Ministror, të organizuar nga Komuniteti i Energjisë në Vjenë, në të cilin morën pjesë ministra, zv/ministra, sekretar shteti, nga fusha e mjedisit, ekonomisë e energjisë të shteteve të ndryshme duke përfshirë Kosovën, Malin e Zi, Maqedoninë, Serbinë, Hungarinë, Austrinë, Gjermaninë, Danimarkën, Ukrainën, Gjeorgjinë etj.

Sipas kumtesës për media, ministrja Reshitaj ka folur për sfidën e ndryshimeve klimatike me të cilën po ballafaqohet bota me ç’rast kërkoi që shtetet bashkërisht të punojnë në reduktimin e ngrohjes globale, sepse sipas saj duke marrë në konsideratë që jetojmë në një “fshat global” ku problemet e një shteti kanë interferime edhe në shtetet tjera, përpjekjet dhe kujdesi për botën duhet të jenë të përbashkëta.

“Kosova është në fazën e miratimit të Strategjisë për Ndryshimet Klimatike duke u angazhuar në reduktimin e ngrohjes globale, reduktimin e emisioneve ndotëse nga industria, duke promovuar ekonominë e gjelbër dhe energjinë e ripërtëritshme në vend” deklaroi ministrja Reshitaj.

Gjatë kësaj kohe ministrja Reshitaj pati takime bilaterale edhe me Elizabeth Press, Drejtoren e Agjencisë së Energjisë së Ripertëritshme, Laurence Tubiana, Drejtoren e Fondacionit Evropian Klimatik, Christopher Joens nga Komisioni Evropian, ish ministren e mjedisit dhe përfaqësuesen e Danimarkës në Komisionin Evropian Connie Hedegaard Kokabang, Barbara Botos, zv/sekretaren e shtetit Hungarez për ndryshime klimatike.

© KOHA. Të gjitha të drejtat janë të rezervuara.

Komentet

Shto koment

Të ngjashme