Arbëri

Suedia interesohet për barazinë gjinore në FSK

Ministri i Forcës së Sigurisë së Kosovës (MFSK), Rrustem Berisha ka takuar sot ambasadorin e Suedisë në Kosovë, Henrik Nilsson.

Ambasada Suedeze përmes një postimi në Twitter ka treguar se ky takim është mbajtur në kuadër të bashkëpunimit mes Suedissë në aspektin e sigurisë me Kosovën.

Temë e këtij takimi thuhet të ketë qenë barazia gjinore në FSK.

“Rëndësia e barazisë gjinore në fushën e sigurisë dhe Suedia e Kosova vazhdojnë bashkëpunim të mirë. Këto ishin temat e diskutimit kur ambasadori ynë Henrik Nilsson takoi Rrustem Berishën, ministër të Forcës së Sigurisë së Kosovës”, thuhet në postimin e ambasadës.