Zhegrova flet për KTV-në pas vendimit që të luajë për Kosovën

07 mars 2018 09:04

Edon Zhegrova e ka pranuar ftesën e Kombëtares së Kosovës në futboll. Vendimin e madh, ai e ka marr pas takimit që ka pasur të martën me kryetarin e Federatës së futbollit të Kosovës, Fadil Vokrrin.

Lajmin, futbollisti kosovar e ka bërë të ditur për Kohavisionin, ku është shprehur tejet i lumtur që do të luajë për vendin e tij të lindjes.

Për Zhegrovën, interesim të madh kishte shprehur edhe Shqipëria, madje, trajneri Cristian Panucci ishte takuar me Zhegrovën për ta bindur që të vishet kuqezi. Për 19 vjeçarin, ishte internuar edhe Belgjika, por që tanimë gjithçka ka marr fund dhe Zhegrova do të debutojë me Kosovë, në ndeshjet miqësore në fund të marsit, kundër Madagaskarit dhe Burkina Fasos.

© KOHA. Të gjitha të drejtat janë të rezervuara.

Të ngjashme