Kori nëpër stile e kohë për traditën e rrugëtimin 15-vjeçar

Kori nëpër stile e kohë për traditën e rrugëtimin 15-vjeçar

13 mars 2018 10:51

Rrugëtimi nëpër kohë u bë përmes veprave prej barokut, renesancës e deri te modernia. A cappella, muzikë vokalo-instrumentale, po ashtu, ishin një thurje tjetër.

Në këtë formë Kori i Filarmonisë së Kosovës për një orë shpalosi kapacitetin e tij në gjini, stile e në kohë, shkruan sot “Koha Ditore”.

Dëshmoi se 15 vjetët e fundit të ekzistencës së tij si njësi e dytë e Filarmonisë së Kosovës kanë qenë të frytshme. Mirëpo, ky është vetëm një vazhdim i traditës së gjatë që Kosova ka me këso formacioni.

Kori i Filarmonisë së Kosovës është ansambël profesional me 50 anëtarë, i cili vazhdon punën e Korit profesionist të ish-Radiotelevizionit të Prishtinës, i cili veproi me shumë suksese që nga vitit 1980 pikërisht në drejtimin e dirigjentit aktual, Rafet Rudit.

Me aktivitetin e tij, Kori i Filarmonisë gjithashtu vazhdon të kultivojë traditën e këndimit koral që në Kosovë ekziston që nga vitit 1945. Programi i këtij ansambli përfshin vepra të një game të gjerë stilistike, duke filluar nga veprat e mjeshtërve – Monteverdi, Morley, Arcadelt, Marenzio – e deri te veprat e kompozitorëve të rëndësishëm nga literatura moderne korale – Britten, Arvo Prat, Eriq Whitacre.

E të dielën mbrëma në koncertin në kishën katolike “Shën Ndou”, shënoi 15-vjetorin e themelimit si institucion i Filarmonisë së Kosovës, me vepra prej “Ave Maria” të Heitor Villa Lobos, “Exulate Deo” të Alessandro Scarlattit, “Judas Mercator Pessimus” të Jose Mauricio Nunes Garcia e “Il Este Bel Et Bon” të Pierre Passereau, në pjesën e parë të mbrëmjes.

Nën drejtimin e dirigjentit brazilian Marcio Da Silva, rrugëtimin e tij muzikor, pas veprave a cappella e shënoi edhe me një vepër vokalo-instrumentale. Solli për herë të parë veprën e kompozitorit kosovar Hajrullah Syla, “Kënga e Rexhës”, e cila vjen nën përcjellje të violinës. Festim Fanaj në violinë dhe Luan Durmishi tenor u bën bashkë me Korin për të sjellë këtë këngë, e cila është e njohur për publikun kosovar, por kësaj radhe me një kompozim më ndryshe... (më gjerësisht lexoni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.

Komentet

Shto koment

Të ngjashme