Arrestohet pronari i “Kristalit” që shpërndante diploma edhe në Kosovë Foto: Koha / ilustrim

Arrestohet pronari i “Kristalit” që shpërndante diploma edhe në Kosovë

07 mars 2018 06:45

Drejtoria Vendore e Policisë Tiranë, në bashkëpunim me Prokurorinë e Tiranës kanë arrestuar të martën pronarin e universitetit “Kristal”, i mbyllur katër vjet më parë, Ahmet Muçaj, i dyshuar për veprën penale korrupsion pasiv në sektorin privat, shkruan sot Koha Ditore.

Ai është kapur në flagrancë duke ia dorëzuar një shtetaseje një diplomë të nivelit bachelor, Dega drejtësi, kundrejt marrjes së një vlere monetare.

Rudina F., 30 vjeçe nga Laçi, kishte dëgjuar se në Tiranë shiteshin diploma. Përmes një të njohuri që është shpallur në kërkim si ndërmjetësues, vajza kishte parapaguar 1 mijë euro.

Të hënën, në një lokal në Tiranë, vajza nga Laçi pagoi edhe shumën tjetër prej 1500 eurosh, si kusht për të marrë diplomën që e njeh atë si juriste. Sipas Prokurorisë, shuma i është dorëzuar pronarit të universitetit “Kristal”.

Ahmet Muçaj është arrestuar menjëherë sapo ka shkëmbyer diplomën me shumën e parave.

(Gjerësisht lexoni sot në Koha Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.

Komentet

Shto koment

Të ngjashme