Krijimi i Ekzekutivit të Pejës peng i koalicioneve Foto: Koha

Krijimi i Ekzekutivit të Pejës peng i koalicioneve

07 mars 2018 10:25

14 drejtori sa ka Komuna e Pejës, vetëm për tri prej tyre kryetari i Komunës, Gazmend Muhaxheri, tashmë i ka emëruar drejtorët dhe ua ka lëshuar vendimet edhe për mandatin e ri katërvjeçar të drejtojnë drejtoritë e njëjta sikur në mandatin e kaluar. Vendimet janë lëshuar vetëm për tre drejtorët e LDK-së.

Drejtor i Arsimit edhe këtë mandat do të jetë Besim Avdimetaj, njësoj sikurse edhe Jeton Abazaj në Financa dhe Fatmir Asllani në Administratën Komunale, shkruan sot “Koha Ditore”.

Në mandatin e kaluar LDK-ja ka drejtuar 9 drejtori komunale në Pejë. Për drejtorët e tjerë ende zyrtarisht nuk ka ndonjë vendim.

Pesë prej tyre vazhdojnë të ushtrojnë detyrën e drejtorit dhe ata, siç i kanë thënë KD-së në kushte anonimiteti dy nga drejtorët e deritashëm komunalë të LDK-së, kryetari Muhaxheri është pajtuar që të vazhdojë edhe këtë mandat me drejtorët e LDK-së, që kanë qenë edhe në mandatin e kaluar.

Mirëpo, se a do të mbesin drejtorët e LDK-së në krye të drejtorive të njëjta, ende nuk dihet, pasi siç thonë në kabinetin e kryetarit, varet edhe nga koalicioni i mundshëm dhe ndarja e drejtorive me subjekte që mund të lidhet koalicioni... (më gjerësisht lexoni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.

Komentet

Shto koment

Të ngjashme